ՄԵՐ ՄԱՍԻՆ
«ՎԻՆՆԵԹ Գորիս» Զարգացման Հիմնադրամ , որը ստեղծվել է 2009 թվականին՝ օգտագործելով «տարածաշրջանում կանանց աջակցության շրջանակներ» հայեցակարգը (շվեդական լավագույն փորձ), Կապանի և Մեղրիի գործընկեր կանանց ռեսուրս կենտրոնների (ԿՌԿ) հետ համատեղ կարևոր դերակատարում է ունեցել Սյունիքի մարզի տեղական և մարզային կայուն զարգացման մեջ կանանց ներգրավման գործում: Կարևորելով ցանցի ուժն ու կարողությունները՝ այս երեք Կանանց ռեսուրս կենտրոնները 2010 թվականին միավորվեցին որպես Սյունիքի Կանանց ռեսուրս կենտրոններ ցանց: Թիմի նվիրվածությունն ու ներուժը չափազանց կարևոր դերակատարում ունեցան կառույցի՝ 2014թ-ին Կանանց ռեսուրս կենտրոնների եվրոպական ասոցիացիային (WINNET Europe) (www.winneteurope.org) անդամակցության հարցում՝ հանդիսանալով առաջին և դեռևս միակ ԵՄ-ի կողմից չհիմնված անդամը։
Կարդալ ամբողջը
Ռուզաննա Տոռոզյան
Մենք իրականացնում ենք մեր նպատակը՝ աջակցելով կանանց դերի բարձրացմանը և ներգրավվելով նրանց տարբեր ոլորտներում։ Մեր թիմում ընդգրկված կանայք նպատակասլաց են և ունեն ամուր կամք: Հավատալով մեր ընդհանուր նպատակին՝ թիմային հետևողական աշխատանքի արդյունքում կարողանում ենք ամեն օր առաջխաղացում ունենալ: Այդ հաջողություններն աննկատ չեն մնում, դրանք ոգևորում են նաև այլ կանաց, տարբեր կառույցների, որոնց հետ համագործակցելով՝ մեր համատեղ աշխատանքը կարողանում ենք առավել արդյունավետ դարձնել:
Կարդալ ամբողջըՏԵՍԼԱԿԱՆ
Բոլորի համար հավասար հնարավորություններով՝ ապահով, բարեկեցիկ և ժողովրդավարական հասարակության կառուցում:
ՆՊԱՏԱԿՆԵՐ
- կանանց ընդլայնված մասնակցություն որոշումների կայացման գործընթացներում
- կանանց ուժեղացված տնտեսական դեր և մրցունակության բարձրացում
- կանանց սոցիալական պաշտպանության բարելավում
- կանանց առողջության պաշտպանություն
- գենդերային բռնության կանխարգելում
- գենդերային քաղաքականության արդյունավետ իրականացում բոլոր մակարդակներում
- կանանց մասնակցություն հակամարտությունների կարգավորման, հետկոնֆլիկտային վերականգնման և խաղաղության պահպանման գործընթացներում
- կանանց և երիտասարդների հզորացում՝ իրենց նախագծերի/բիզնես գաղափարների համար խորհրդատվություն և ուսուցում ապահովելու միջոցով
- կանանց ցանցեր կանանց մուտքի հեշտացում
- կանանց դերի և ներկայացվածության բարձրացում աշխատաշուկայում և հասարակության մեջ
