Կապանի Կանանց Ռեսուրս Կենտրոն» ՀԿ-ն հիմնադրվել է 2009թ.-ի ապրիլի 29-ին՝ Կապանի մի խումբ կանանց և ԵԱՀԿ Երևանյան գրասենյակի ժողովրդավարության բաժնի աջակցությամբ:

«2014թ.-ից «ՎԻՆՆԵԹ Հայաստան» կանանց ռեսուրս կենտրոնների ցանցի հիմնադիր անդամ է։ Լինելով Հայաստանի 9 համայնքներում ստեղծված կանանց ռեսուրս կենտրոններից մեկը՝ նպատակ ունենք բացահայտել կանանց, երիտասարդների, խոցելի խմբերի կարիքներն ու մշակելով տարբեր ոլորտների զարգացման ուղիները՝ փորձում ենք նպաստել համակարգային զարգացման ծրագրերի իրականացմանը»։

Գործունեության 13 տարվա ընթացքում կազմակերպությունն իրականացրել է 38 ծրագիր սոցիալ-տնտեսական, քաղաքական, հասարակական ոլորտներում: Դասընթացների, սեմինարների մեջ ներգրավված է եղել ավելի քան 6800 շահառու, որոնցից մոտ 426-ը կենտրոնի միջնորդությամբ (94-ը կենտրոնում)՝ ընդունվել է աշխատանքի:

Մենք այսօր

2022թ․-ի փետրվարի 15-ից սկսած՝ ՀԿ-ն իրականացնում է ՄԱԿ-ի գրասենյակի ֆինանսավորվող «Աջակցություն հետպատերազմական վատ իրավիճակում հայտնված կանանց» ծրագիրը, որի շրջանակներում Արցախից տեղահանված 15 կին ստանում է մասնագիտական գիտելիքներ կարի, գործվածքի և հելունագործության ոլորտներում։

2022թ․-ի ապրիլի 15-ից ՀԿ-ն իրականացնում է ՄԱԿ-ի գրասենյակի կողմից ֆինանսավորվող՝ «Մեր կյանքը. մեր ապագան. աջակցություն ինքնավերականգնմանը և կոնֆլիկտի դիմացկունությանը Հայաստանի ազդակիր համայնքները» ծրագիրը, որի նպատակն է կրթել և դրամաշնորհներ տրամադրել Արցախից տեղահանված 35 անձանց։

2017 թվականից կազմակերպությունը սկսել է իրականացնել սոցիալական ձեռնարկատիրության զարգացման ծրագրեր, որոնց արդյունքում 97 գործազուրկ կանայք վերապատրաստվել, աշխատանք են գտել տարբեր ոլորտներում, ինչպես նաև հիմնել սեփական ձեռնարկատիրական ընկերություն, որը զբաղվում է Կապանի տարածաշրջանում տեքստիլի զարգացմամբ։

Արտադրամասում տարբեր ժամանակահատվածներում աշխատել են 6-13 աշխատակից։ Այս պահին ունենք աշխատակազմի 8 անդամ։