«ՎԻՆՆԵԹ Հայաստան» ցանցի անդամ «Իջևանի Կանանց Զարգացման Ռեսուրս կենտրոն» հիմնադրամն իր գործունեությունն սկսել է 2015 թվականին։ Արդեն 2016-ին հիմնադրամը ԵԱՀԿ Երևանյան գրասենյակի հետ համատեղ «Կանանց առաջնորդության զարգացումը Իջևանի տարածաշրջանում»  ծրագրով ձևավորեց  երիտասարդ առաջնորդների ակումբ։ Երիտասարդները, ովքեր ստեղծագործ էին, համարձակ և ցանկանում էին  իրականացնել հետաքրքիր գաղափարներ, դիմեցին  և անդամակցեցին ակումբին: Մասնակիցները ծրագրի անգլերեն լեզվի, առաջնորդության, ՏԻՄ- գործառույթների, կամավորության և բազմաթիվ այլ կարողությունների զարգացման դասընթացների շնորհիվ գործնականում հանդես եկան հետաքրքիր նախաձեռնություններով:

«Կանանց Քաղաքական Ակտիվության աջակցություն՝ տեղական մակարդակում» եռամսյա ծրագիր շրջանակներու իրագործվեց ևս մեկ համայնքային նախաձեռնություն։ Ծրագիրն իրականացվեց Գերմանիայի Դաշնության ֆինանսավորմամբ և ԵԱՀԿ Երևանյան գրասենյակի աջակցությամբ բարեգարգվեց Իջևանի թիվ 1 մանկապարտեզի առաջին հարկի մուտքի հատակ։ 

2018-ին Հիմնադրամը Բերդ խոշորացված համայնքում իրականացրեց «Բյուջե բոլորի համար» ծրագիրը, որը իրականացվել է Իրավաբանների Հայկական Ասոցիացիայի կողմից ԵՄ ֆինանսավորմամբ գործարկվող «Կառուցողական երկխոսության հանձնառություն» ենթադրամաշնորհային ծրագրին շրջանակներում։ 

Մենք այսօր

«Իջևանի Կանանց Զարգացման Ռեսուրս կենտրոն» հիմնադրամը, իր ծրագրերի միջոցով, նպաստում է կանանց և երիտասարդների հզորացմանը, աշխատանք փնտրող և խոցելի խմբերի համար նոր կայուն աշխատատեղերի ստեղծմանը, այդպիսով՝ զարգացնելով և աջակցելով առաջնորդությանը, նորարարությանը,  ձեռներեցությանը, ինչպես նաև խթանելով սոցիալական ներգրավվածությունը: 

Հիմնադրամը ներգրավված է Քեյր Կովկասի  և Հայաստանում իր տեղական գործընկերոջ՝«ՎԻՆՆԵԹ Գորիս» զարգացման հիմնադրամի կողմից  իրկանացվող «Կնոջ ուժը, նրա ապագան» տարածաշրջանային եռամյա ծրագիրում՝ որպես գործընկեր կողմ։ Ծրագրի արդյունքում  Իջևան, Գանձաքար և Գետահովիտ բնակավայրերի շուրջ 33 կին ձեռներեցներ առաջիկա 3 տարիների ընթացքում կբարելավեն իրենց տնտեսական վիճակը և կունենան ավելի մեծ հասանելիություն ֆինանսական միջոցներին, տեխնոլոգիաներին, ձեռնարկատիրական գիտելիքների և ռեսուրսների ձեռքբերմանը: